Нүүрний бусад бүх төрлийн арьснаас тослог арьс илүү их арчилгаа шаарддаг. Тослог арьсны нэг том асуудал бол батга гарамтгай байдаг.

Тослог арьсыг хэрхэн арчлах вэ?
Тослог арьсыг саван, шингэн саван, угаагч гель зэрэг бодисоор сайтар угааж цэвэрлэнэ. Ингэж угаахдаа арьсаа зөөлөн сойз эсвэл зориулалтын угаагчаар эрчтэй арчиж дараа нь хүйтэн усаар зайлж угаана. Сойз болон угаагчинд халдвар орохоос сэргийлж байнга цэвэрхэн байлгах шаардлагатай. Тослог арьсыг өдөр бүр угаахын зэрэгцээ доорхи байдлаар арчлахыг зөвлөж байна.

Манай орны агаар өвөлдөө хэт хүйтэн байдаг учраас энэ нь арьсанд маш хүндээр тусдаг. Ялангуяа нүүрний арьс их эмзэгшиж, хуурайшдаг. Мөн хөлдөж, цайрах гэх мэт олон сөрөг нөлөө үзүүлдэг. Агаарын хэт хүйтэн байдал арьсны уян хатан чанарыг алдагдуулж, хуурайшуулдаг. Энэ нь хавар илүү мэдрэгддэг. Хүмүүс үүнийг мэдэхгүй хавар арьс их хуурайшаад байна гэж эндүүрдэг. Үүнээс сэргийлэх хэд, хэдэн арга бий. Нүүрээ буцалсан ус болон зөөлрүүлсэн усаар угааж занших хэрэгтэй. Мөн өөрт тохирсон тос хэрэглэх нь чухал. Тэр дундаа монгол тосыг өвөл түрхвэл зохимжтой байдаг. Учир нь монгол тосны найрлага нь тослог ихтэй, мөн хүйтнээс хамгаалах сайн бүрхүүл болж өгдгөөрөө онцлогтой юм. Хэрэв нүүрний арьсны аль нэг хэсэг хөлдсөн эсвэл цайрсан бол ургамлын тосыг хөвөнд шингээн маш болгоомжтой, зөөлнөөр үрэх маягтай арчих хэрэгтэй.