Бидний тоолуур |
|
Дэлхийн аварга |
|
|
“Дархан” гурилын үйлдвэрт дэлбэрэлт болжээ
Дархан-Уул
аймгийн "Дархан" гурил, тэжээлийн үйлдвэрт өчигдөр 12.30 цагийн
орчимд дэлбэрэлт болжээ. Тодруулбал, үйлдвэрийн буудай хадгалах агуулах дэлбэрчээ.
Урьдчилсан байдлаар агуулахад байсан буудай халалт өгсний улмаас дэлбэрэлт
болсон байх гэсэн дүгнэлт гарсан байна. Газар дээр нь ажиллаж байгаа онцгой
байдлын аврагчдын мэдээлснээр, дэлбэрэлтийн улмаас 500 тонн-ын
багтаамжтай агуулахын дээд хэсэг задарч 30-40 метрт шидэгдэн, үйлдвэрийн
гаднах бетонон хананд цууралт өгсөн байна. Мөн үйлдвэрийн хашаа нурж, гадна
талбайд байсан ЗИЛ-130 машины цонх хагарчээ. Дэлбэрэлт болох үеэр хоёр хүн тус
агуулахад ажиллаж байсан бөгөөд нэг нь толгойдоо гэмтэл авч эмнэлэгт хүргэгджээ.
Тэд агуулахад байсан буудайг сэлгэж, ачиж байсан байна. ОБЕГ-ын дарга
Ц.Амгаланбаяраар ахлуулсан ажлын хэсэг дэлбэрэлтийн шалтгааныг
тогтоохоор үргэлжлүүлэн ажиллаж байгаа юм байна.Дэлбэрэлтийн үеэр гарсан
хүчтэй дуу чимээ иргэдэд тод сонсогдсон байна. Тус үйлдвэр 1970-аад оны үед
ашиглалтад орж байжээ.
|
Category: Дархан | Added by: uugii (2012-02-18)
|
Views: 790 | Comments: 2
| Rating: 5.0/1 |
Total comments: 2 | |
|
|
|
|
|
Статистик |
Нийт Онлайн 1 Зочид 1 Хэрэглэгчид 0 |
All program |
Guest
Уучлаарай та бүртгэлгүй байна. !
|
|